فرفشة صيد الضبان

السلام علاكم

بصراحه فاضي وكنت حاب اسولف عليكم

مره من المرات طول الله اعماركم

قال خالي وش رايكم نتصيد

كان السوال الاكيد ايش نتصيد

قال اي شي ينوكل نبحه < حشا في مجاعه خخخخخخخ

المهم اتفقنا انها تكون ضبان وطيور

يوم جاء المغرب قالوا نبي نروح ننام في البر والصبح نتصيد

وطلعنا واخذنا عشاء معنا وطلعنا ونقعد نفرفر في البران

وفجاءه مادرينا الا محوطين لنا بيت مادرينا عنه

احس انهم قالو مداهمه وكنا في سيارتين

وكان معنا واحد خبير مقانيص وانا اصلا ماحولك احد

وعاد خوينا هذا متوحش خخخخخخ

مرينا جحر ضب في الليل قال صفط عنده

وش تبي تسوي قال وارويكم بس تعالوا

ويكشف على الجحر بسماعات طبيه هههههههههههه

كان معه اتريك قال الضب معاكر

معاكر = معناه مطلع عكرته يتبرد لانه التكييف عنده صحراوي ويبي فريون المركزي ماوصلهم :76

قال وعنده عقرب وانا والله اذا شفت العقرب اني تجيني ام الركب اكرهها كره العمى

قلت يالله مشينا قال لا << ماقلت لكم مجرم ومتوحش

وياخذ جيك ماء ويصب خفيف خفيف والضب يجي يمشي على ورى والله ماتصورت انه وصلت ذكاء المقناص لهالدرجه

لين مسكه يوم مسكه وهو يقعد يتطارحون وهو يسحبه ويسدحه ارضا ويعطيه بوكس اسفل الحزام ويثبته وانا انسدح واعد

1
2
3

استسلم الضب واعترض على الحكم

وكان الجزاء انه وضع في كرتون

ونلقاء مكان ونقعد نسولف وضحك

تسمعون بسوالف اخر الليل اللي كنت اقولها ومسوي عليها سلسله بالضبط نفسها لو اختلفت الافكار

وعاد صحينا من الصبح وافطرنا قالو الهمام يالود نبي نتصيد

ونفرفر لين انقلب روسنا عجزنا نصيد والسلاح اللي معنا ماكان كويس مايصب صح

وبعد مشاكل ضبطت وصاد اول ضب وكانت فرحتنا لاتوصف

وكان احد الشباب متعلق في شجره يلعب مرجيحه بهذه المناسبه

والموقف الحلو كان معنا واحد مهايطي

رمى وحاول قال انا عرفت وزنت السلاح يعني كيف يصيب

قلنا يالله جرب


ويحط الضب قريب منه ويقعد يرمي ويرمي 3 طلقات وبالاخير يطلع شجره صغيره
ميته على شكل ضب وتعالو شوفو المسخره عليه ههههههههه <ياشينها

وموقف حصل لي وصرفته

كان فيه ضب على جهتي وانا جهت السواق < مثل بطتنا تبط بطتكم ههههههه

المهم السواق رمى طلقتين ولا صاب الضب وكان وقع الرصاص بعيد

وخوينا اللي قدام رمى ثلاث طلقات ولا صاب نفس الضب ونف الرمس

قالو جرب حظك مو رايح الضب

وانا امسك السلاح واقعد اضبط المقاسات (تبي تخيط ثوب انت) وانا ارميه وتجي
قدام الضب ويطير عليه التراب (الله يكرمكم) ويدخل جحره او بيته

خوياي قالوا ماتعرف ترمي وش فيك

قلت ياناس الضب هذا مايستحي رماه الاول طلقتين ولا صابه والثاني ثلاث
طلقات ولا صابه كبرت براسي وقلت اخلي التراب يجي في وجهه انتقام (تعرف
تصرف ههههه )

وجمعنا كم ضب وكم طير

وطبخنا الضباب لوحدها والطيور لوحدها

لانه انا ومعي واحد ماناكل الضبان بجد اشمئز من شكله يموت وهو يرافس اخاف
بعد ما امد يدي عليه يرفسني ويقول ياخي ماكفاك الدجاج جاي تبلشني
هههههههههههههههههه

ودي اسولف اكثر بس اخاف اطول عليكم تملوون السالفه

اتمنى تعجبكم

دمتمـ بود

تحيتي لكمــ.




منقوول

ههههههههههههههههههههههه

يسلمووو ضياءنا على هالنقل

لا عدمنااك

اشكر لك مرورك
يعطيك العافية