الا ياعذابي يوم شفت العيون السود

الا ياعذابي يوم شفت العيون السود


. بعد ما نظرني كامل الدل بعيونه


بعد ما جذبني ياصاحبي دقيق العود


فمثلي بدرب الحب ما ابغى تلومونه


.تقول القمر متصور بوجهها موجـود


.وخدة كما برق(ن) ليا لاحت امزونه


ثناياه لولو والرموش النعاس اجنود


.يشابه لغصن الراك لا مالت اغصونه


.وخصر مـع الشفه جميل صغير انهود


وشعر(ن)كما موج البحر يكسي امتونه


اساهر نجوم الليل عاد العباد رقود


.أحبه ونفسي في هوى الزين مرهونه


أحبه وهو بين العرب غاية المقصود


.وهــو مقصدي لو جيش صدام يحمونه


لو إن الصمود اثنين حطه وحط سكود


.لادوس المخاطر وآصله مانثني دونه


على الله يسمح باللقا وقتنا المقرود


.لقاء صاحب من شانه الروح مسجونه


وعسى الله يعين العاشق يبذل المجهود


..ويصبر على وقته ليا زود أشطونه


فأنا اعاهده والله وخلقه علي اشهود


إن يبقى لحاله وسط قلبي ولا اخونه
[/size]





منقول والصورة مضافة

ررروووعه

سلمت يداااك يامشرفنا على هالانتقاء الجميل

دمت وداام هالابداع وهالتميز

تحيااتي لك دوووم