قصيدة للشاعر : سعد الحافي

طرف علي المسا..يا صاح..لو تدري

كم ليلة ٍ..وأنت روحي ..منك تحرمها

عليك..طفل السهر..من عيني..لصدري

يبني..بيوت الرجا.. والشمس تهدمها

وان حايلتني دموعي.. قلت ..وش عذري

ما للنفوس العزوم.. إلا تعزمها

شبيت.. نار الضلوع ..و جثرت جمري

وإن رمدت ..عودت.. طرياك تضرمها

يلفني عطرها..وأطلق لها..فكري

وأخذ ..شوارد قصيدي ..من غنايمها

أتعبت صدر الورق..و أرويت بك حبري

و أبكيت غر الحروف..وكنت ملهمها

لا هي كفتني.. ولا ردتك ..عن هجري

تعال.. رتب حنين الروح ..وافهمها

ما زال غصن الهوى..يحط به قمري

يشرب.. نسانيس حبك.. ويتنغمها

أخاف باكر.. يموت الشوق من صبري

وتشوف فرقاي عاده.. واتعلمها