تمنيت لو لقلبي معك مفتاح

[size=25] [/size]


انا كل ماقلت انشـرح خاطري وارتاح
تجدد عنا روحٍ هـــواها معنـيها


تسيد عليها هاجسٍ يتلف الارواح
من الغيض مغضبها رضاها ومرضيها


الاياوجودي وجد من بين ربعه طـاح
صويبٍ وسد الخيل راحت بهاذيهـــا


تعزوا بربعه والرمك جلعٍ طفّــــــاح
يبي ردته لروحه من الموت تنجيها


[size=25]
[/size]

على اللي كواني والغلا ميسمٍ ذباح
عليك انت يا كل الطوايف وغاليها


انا لاذكرتك بالوفا والليالي شحاح
حصل ماجعل عيني تنثر عباريها


تسابق فضيض الدمع كنه خرز مسباح
مع اللي تشده سالفه عند راويها


سواليف شيخٍ ماضي له فعول وراح
تنثر خرزها في يده يوم يرويها





تمنيت لو انه لقلبي معك مفتاح
لان الظنون احيان تخلف هقاويها


اجامل عشانك والعواذل ماهم بنصاح
مع اني اعرف ان الوفا ضايعٍ فيها




لاجلك ومن شانك جعلت القلوب صحاح
لو ان القلوب السود ماني بماحيها


عبرت البحر يوم ابتدت رحلة الملاح
مدام الاماني في عيوني مرافيها


تعلمت من معاند الجرح يالجراح
اذا فيه احد لي سيرتك جاب طاريها


كويت الحشا والشعر عود الغرام وفاح
وبالطيب وانا كويتك ماني بناسيها
--------------------------------------

ابياات راائعه وجميله

يعطيك العاافيه ضياء على هالطرررح

لا عدمنااااااااك

اشكر مرورك الآن
يعطيك العافية