عاجل صرف اعانات للنازحين

بسم الله الرحمن الرحيم
السلام عليكم
اخواني الاعزاء وصلني اليوم خبر من احد النازحين انه يوجد صرف اعانات للنازحين الساكنين بالشقق والفنادق من الجمعية الخيرية بأبو عريش وقد بدأو بتوزيع الاعانات منذ يومين ولاكن لم يصلني الخبر الا هذا اليوم ونفس الشخص الي ابلغني استلم هو بنفسه 12000 ريال يعني الخبر اكيد مية في الميه المصدر موثوق ابلغوا كل من تعرفون لكي يستفيدوا من هذه الاعانات ولاكن لابد من الذهاب الى الجمعية وتسجيل الاسم وتضع رقم جوالك وهم يدقوا عليك بنفس اليوم او اليوم الثاني اتمنى نشر الخبر لكي يستفيد الجميع.
وللعلم الاعانه على حسب كلام المصدر للساكنين بالشقق والفنادق فقط وليس للي بالمخيمات ولاكن لايمنع ذلك من ذهاب اصحاب المخيمات والتأكد......

اخوي اذا الي ساكن على حسابه من النازحين اكيد له وهو الي يستاهل الاعانه رووووح وشوف وجرب
وربك يسهل

الله يسلمك على الخبر
والله اننا ع الحديدة
لكن ربك يسهل
وفعلا كلامك اكيد
وانا رحت الى هناك واخذوا رقم جوالي


تحياتي

ا

المشكله أن عدد الشيكات الموجود في الجمعيه 5000 شيك وفي ناس استعلموا عن أسماءهم ما وجدوها وأنا منهم واحد ,,,,,,
ولو تشوف الزحمه يوم الثلاثاء الماضي يذكرك بأيام بحث الضمان الاجتماعي قبل 5 سنوات في محافظة الخوبة ,,,,,,,,,,,
لكن الأسوأ من ذلك كله أن يوم جينا سلم الاوراق قال لي الموظف وقفنا ما نستقبل ويمكن ما تلحقون شيء!! قلته استلم وربك فيه ؟؟ قال معصي!! قلته يا أخي أنت ما تعطينا من جيبك عندها وقف وقال ما ان مستلم منك؟ اثناء ذلك طلع واحد مطوع وقالت جيب أوراقك وسلمنا ومشينا ؟؟؟؟؟لكن هناك تعليق لأحد الاخوان قابلته هناك قال ذولا كل مره يخلونا محافظه تتمسخر علينا؟؟؟؟


السؤال / أليست هناك جمعيه خيرية تابعه للحرث لماذا لا تقوم بالعمل؟؟؟؟؟؟

اخوي الرعد كان الله في عون اهلنا النازحين صار اهل الخوبة يترجون الي يسوى والي مايسوى على حقوقهم والله العظيم مافيه خير في مشايخنا لا في افراح نلقاهم ولا في مصائب ياخي والله قهر على بلاطه كل اعيان محافظة الحرث من المشائخ الى اصغر مسئول ضيعوانا والله اهم شي نفسهم ياخي اذا ماهم قد المسئولية ليش يصيروا بمناصبهم (كلكم راع وكلكم مسئول عن رعيته) ومشائخنا من جرف لدحديره ولا عمري سمعت عن اي انجاز لهم سنظل كما نحن ولن نتغير حتى نغير
وتسأل اخوي عن الجمعيه اي جمعية واي بطيخ اعذرني على الاسلوب لاكن من القهر اذا المسؤلين عنها ما سمعنا عنهم من بداية الشكلة تبي تشوفهم الحين حسبي الله على من اضاع حقوقنا سكوتنا يزيد مصيبتنا ياخي لابد من مخاطبة المشائخ من قبل مثقفين الخوبة يقولولهم ياتكونوا كفوا لمناصبكم يا افسحوا المجال لغيركم خلاص الى متى وحنا من تخلف الى تخلف شوف حال المحافظة ابسط الخدمات ماهي فيها وقراها لا اناره ولا اسفلت ولا مياه ولا تلفون ولا ولا ولا وسبب ذلك المشائخ لو انهم يطالبوا كان هذا حالنا لابد من تغييرهم