من هموم نازح (( أشوف أن القبر مركب وناس ٍ هاربه منه ))

من هموم نازح (( أشوف أن القبر مركب وناس ٍ هاربه منه )) 448066497

من هموم نازح
(( أشوف أن القبر مركب وناس ٍ هاربه منه ))

صحيت من مرقدي خايف حلوم ٍ جابها الشيطان
أشوف أن القبر مركب وناس ٍ هاربة منه

وأشوف إني على قمة وحولي تنعق الغربان
وأشوف أن السحاب موج ٍ بروق ٍ لامعة منه

خذيت من دفتري أوراق ٍ وأقلام ٍ من الضلعان
كتبت لأهل الشعر شعر ٍ حلفت مايبعدوا عنه

أنا شاعر من الحُرّث يعاني غربة الأوطان
نزح من ديرته وأمسى بديرة ناس عافنه

صحيح في موطني درب ٍ ديار ٍ أسمها جيزان
ولكن مسقطي الخوبة وعيني النوم جافنه

يايوسف قوم هات العود ياناصر أعزف الألحان
أحس بداخلي بركان ضلوعي ضايقة منه

سريت من قريتي نازح وفيني صرخة الغرقان
على نزف الألم سافرت خفوقي تسكنه ونة

ياناصر هو بقى فيني بقايا نغمة الأشجان
سقى الله ليلة حبي رياح الشوق ساقنه

يايوسف حالتي عود ٍ تهاوى يتبعه دخان
على حيٍ بديرتنا وبيت ٍ عيني شافنه

ياناصر يسكن البيضاء غريم ٍ يشبه الريحان
يايوسف لامشى ضبي ٍ عيوني دوم يرعنه

مضى عمري وأنا أناظر يمك ياجبل دخان
خلب أمسى وحيد الحال وسيله تدفعه حنه

ياناصر ديرتي الحُرّث من صلاصل إلى دهوان
على أطراف الدحن شعري تباهى وانتثر فنه

أشوف الحال متبدل وحول الغاوية ركبان
نسيت من حيرتي هيل ٍ تعالى واستوى بنه

ياناصر مايطير الطير لأمسى فاقد الجنحان
وأنا فقدت يايوسف أناس ٍ يتبعوا السنة

أنا من جدته بلقيس يردد قولها القرآن
وسيف ابن اليزن جدي جيوش الروم هابنه

ولكن عين صابتنا وتبقى حكمة الرحمان
يداول بين أيامه ولا في قولنا منه

الا ياديرة الحُرّث ياديرة كلها وديان
من أجلك جيشنا حرب ٍ على ذاك العدو شنه

الا ياديرة المعروف وديرة كلها شجعان
حشى ماينالكم ناقص ولابتنالكم ضنه

سترجع ديرتي واحة وفيها تنتشي الغزلان
ويبقى اللي حصل غلطة معادي وانكسر قرنه

سلام الله على الحًرّث عدد ماهلت الأمزان

ديار ٍ ماكذب وصفي جميلة تشبه الجنة

********

قصيد ( نازح )

الله يعطيك العافيه على هذا الموضوع

عضو

صح لساااااااااااااااااااااانك ودعواتنا لكم ولنا واكثر من الدعاء والعودة ان شالله قريبة

» هموم النازحين
» انا لست نازح
» اقوال نازح
» هموم المواطن السعودي بالكاريكاتير
» مأساة نازح