قصيدة حمد السلطان في ساكب الدمعة!

ماينحني راسي وانا حي ما مت
لو زادت الدنيا عليه كدرها

انا ليا ضاقت على الله توكلت
يكفيني الله في شدايد خطرها

ماني من اللي يقضي الهم فالكنت
ونفسه عن العالم حكمها سجنها

شربت من مر الليالي ولا زلت
اشكي صروف الدهر يالله فرجها

ياليل مطول هاجسي لو تكلمت
اخفيه في روحٍ ملكها حزنها

حتى مع خلي مخفي ولا قلت
هذا نصيب الروح هذا قدرها

جتني مراسيله وحزنه بها شفت
قصيدةٍ بالدمع لجلي كتبها

هزت معاني في فؤادي وتألمت
حروفها منثورةٍ من تعبها

يا ساكب الدمعة على الخد لا هنت
ولا هانت الدمعه ولا اللي سكبها

سكنت ما بين الضلوع وتمكنت
حتى لقيتك وسط روحي ملكها

عشقي لك اكبر من قصيد وكتابات
حتى حروف اسمك لساني عشقها

بغيت اصيدك وانت قلبي تصيدت
من نظرةٍ من عين قاتل حورها

يا صاحبي لو عن عيوني تغيبت
طيفك بعيني ما يفارق نظرها