قصيده واحد متعقد من المكياج (خلها تولي)

مع انني متأكد من ان جمال الروح ارقى و ابقى من جمال الشكل

قصيده كتبها واحد متعقد من المكياج يقول

:
يا صانع المكياج الله يجازيك
خليتني مخدوع في شكل خلي

الله يحــرق مصنعك مـع مبانيك
والمعرض الموجود في بيكاديلي

ادعي عسى تعمى وتنشل رجليك
هـذا دعــائي دوم لا جيت أصلــي

خليتني اركض ورا البنت هاذيك
واشوفها أجمـل غــرام ٍ حصل لي

قلبي عشقها يا(جيفنشي) توماتيك
وان شــافهــا قلبــي يــرحــب يهلي

هــي رحبت بـي وقالت الله يحييك
وقالت هلا باللي عشق زين شكلي

وقالت أنا أجمل بنت في اللي حواليك
شـف حسني الأخـاذ وروجي العسلّي

طالعتها ثــم قـلـت هالقلــب يبغيــك
ومن شاف حسنك خلى غيرك يولي

ابغي اشوفك دون مكياج يكسيك
وابغي اشوفــك بالجمـال المحلي

قالت تبيني افرك الوجه تفريك
واشيل هالبودر وروجي وكحلي

قلت أي نعم قومي عسى الروح تفديك
ابغـــي جـــمـالـك هالطبيعــي يهلّــــي

قالت دقايق راجعه لك واراويك
ذاك الجمــال اللــي لعينك يسلّي

ويوم رجعت لي شربكتني الشرابيك
وحسيت الأرض تـــدور وأنا بمحلي

الخد كنه يا(جيفنشي) سيراميك
والوجه شارع مثل شارع حولي

الوجـــه كنه بــيـت كله شبابيــك
من هالحفر في وجهها اللي يعلّي

كله سبب مكياجك الله يجازيك
خليتني مخدوع في شكل خلي

ونصيحتي لكل شاب من غير تشكيك
لا لا اتســـرع ثـــــم تنغــش مـثـلـــي

اللي بلا مكياج خلها حواليك
واللي تحط مكياج ...

خلها تولي

اكيد الجمال الطبيغي احلا بكثير
رائع اخي المشتاق
وتقبل مروري

ابو تركي
الرائع هو مرورك المعطر

ولك خالص تحياتي

» قصيده حزينه سببها فراااق
» *قصيده جرح الحبيب ... ظـــــــــــلام الحب*
» بنات اليوم....قصيده تستاهل القراءه
» قصيده شعريه
» قصيدة في الحرث