قصيدة مهداة للمذيع/خالد الشاعر وزوجته الفنانه اسيل عمران ومهاتراتهم
على شاشة الـ mbc
في برنامج (هو وهي )
يا خالد الشاعر لـك اليوم تقريـر
بلسـان شاعـر كـل منبر يديره
شاعر فحل صنديد زيزيوم ويغيير
ويوسّـم اللـي ماله اليوم غيـره
منهو زعل بقـول له خيـر ياطير
ومنهو سكت بقول له ألف خيره
السـر أول يندفـن دآخل البير
واليوم سر النـاس في كل ديـره
أسيل ياخالـد أذا منت ببصيـر
شوف الرجال عيونهم لك بصيـره
منـت بفحلهـا والفحل واردٍ خير
ولا انت خلّك ثور وسـط الحضيره
هذا كلام الصدق مـن غير تفسير
ومنهو بغا التفسيـر يبشـر بثيره
في شاشة التلفاز عرض التصاوير
ضم وشفايـف مع علـومٍ مثيـره
والامعه يضحك ولا كن به طيـر
يطلع ويكفخ كـل ما شاف طيـره
يا خالد اسمع .. حط بيدك مناكيـر
وأشرب مع اللي ما يحسون بيـره
لن الرجوله مبعده عنك ياصغيـر
ما حاكتـك سـود الليال المريره
ياقـاف لا تبخل وهل التفاكـيـر
هـذي رساله والامر بستـديـره
في هالزمـن مابه رجـالٍ مناعير
والـعـز رايــح لا والله يجـيره
صار الرجل ينقـاد قود المصاغير
يمشي ولا يعـرف نهايـة مصيره
ماهو رجل ..منظر على قولة سبير
وقف .. تعال .. أجلس وملعون صيره
شي اشوفه عكس ومخالف السير
عيـنٍ بصيره لا وإيدٍ قصـيـره
مره اشوف الشيـن ماله تفاسير
ومره تحس الرجْـل جمر وسعيره
أقولها والصوت صوتٍ به إزئيـر
روّح زمان أهل السيـوف الشطيره
من هول ما شفته اشـوف التعازير
عادي يجـي هـذا بجانب سميره
وعادي يسبب لبسها لك جماهير
عصـر التفتـح والعلوم الحقيـره
صار ت علوم المرجله بالزمن غير
لا لا تغـار وعكّس السير سيـره
ياخي تفتح .. أسمـع اللي بثيـره
حنـا بزمن أفتح بفتح الأزاريـر
عصر التخلف وش تبي تستثيـره
خلـك طبيعـي وأستبيح المعاذير
نضـف دماغـك لا ولا تستشيره
أكثر وسايـل هالثقه جات توفيـر
دام إن علـوم المهزلـه مستنيره
واللي زعل بقول لـه خيـر ياطير
هاذي القصيده وصلتني على جوالي فاحبيت انقلها لكم
موضوع: قصيدة مهدأة الى المذيع خالد الشاعر وزوجته اسيل العمران ومهارتهم على mbc 
السبت نوفمبر 13, 2010 5:45 am
