قصيدة (( من بادي الوقت )) كلمات الشاعر خالد الفيصل < دايم السيف >
من بادي الوقت وهذا طبع الايـــامـي
عذبات الايام مـا تــــمـدي لــياليهــــــا
حلو الليالي تــــوارى مثل الاحلامــــي
مخطور عني عجاج الوقت يخفيهـــــــا
أسري مع الهاجس اللي ما بعد نامي
و أصوّر الماضي لنفسي و أسليـــهـا
أخالف العمر أراجع سالف أعوامي
و أنوخ ركاب فكري عند داعيهــــــا
تدفا على جال ضوّه بارد عظامــــــي
و الماء يسوق بـمعاليقي و يرويــها
إلى صفالك زمانك علّ يـا ظامـــــي
اشرب قبل لا يحوس الطين صافيها
الوقت لو زان لك يا صاح ما دامي
يا سرع ما تعترض دربك بلاويهـــا
حتى وليفك و لو هيّم بــــك هيامـي
سيّور الأيّام تجنـح بـه عواديهـــــا
وكان الرد من الشيخ / محمد بن راشد آل مكتوم في قصيدة (( يامرحبا يامعنى ))
***
يا مرحبا يا معنى خط الاقـــــــلامـــــــــــــــي
مثائل شوقتنـــــــــــــــي في معانيـــــــــــــــها
حيّا المثايل يا سلالة نسل الكرامــــــــــــــي
يا من بيوته عن الزلاّت يحميـــــــــــــــــــها
من داثر الوقت وهذا طبع الايـــــــــــــــامي
مرّات تصفى ومرّات الـــــــــــــكدر فيهـــــــا
كم واردٍ ضامياً صد درب الاحيــــــــــــامي
وكم واردٍ شرب من صـــــــــــافي مغانيها
لا تنظر اللي مضى وتعد الايامــــــــــــــــي
ارعى ربيع الزمان أول لياليـــــــــــــــــــها
حلو الليالي تعوض مر الايامـــــــــــــــــي
ما يحسب الوقـــــــــت و يفكر في ماضيها
لو كان ما بي تقساه جفت أقلامـــــــــــــي
من حرتي أبدع أنفالي و أغـــــــنـــــــيــها
ردار فكري يصوّر لي مضن زامــــــــــي
في هنـــــدس الليل يوم أرتاح غافيــــــها
يوم الخلايا تـنام وفـــــكرها نامـــــــــــي
حرام عــــيني لذيذ النــــــــوم يغفيهـــــــا
حالي كما عشب صيف صابها الضامي
ولا كمـــــــــا وردة جفت نواديــــــــــــها
نار الغضى والتوقد في بحر طامــــــــي
(خالد) وعـــيـــــّا مولعـــــها يطفيهــــــا
ريم رعى في الفياض وزهر الاوسامي
قائد خشوف الجوازي في مفاليـــــــــها
بأرض محيله ولو توطى لها أقدامـــي
تزهى وتضحك لها الدنيا وتحـــييهــــــا
سود الليالي مع سالـفات الايامــــــــي
نأخذ مجازمها ونترك تواليــــــــــــــــها
نمشي على درب ما تأطأها الاقدامـــــي
وإن وعرت الارض يعجبني المشي فيها
يا خوي انا ريت رويان وهو ضامــــي
يا كيف عطشان في جاري سواقيـــــها
ريّح ضميرك ولو هيّم بك هيامــــــــي
حقا على اللي جرح نفسك يداويهــــــا
يا مفطر الوقت هذا شهر الصيامـــي
وليـــــــلة القدر في أخر لياليــــــــــها
يا زين هد الوحش بعض الايامــــــي
في ديرةٍ قفرت عسره مضاويهـــــــا
أشقر طويل المعنق يبري أعظامــــي
صوايده من فنادي الصيد يدميــــــهــا
يا شيـــــــــــخ هذا زمان كلّه أنعامي
الذيب جايع وشبعانه حصانيـــــــــــها
لو كان يبغى يغزو نابها الدامــــــــي
يا كيف تكسر جوارحها طواريهــــــا
وكل مخلوق في الدنيا فلا دامـــــــي
لابد تنهي مــغازلها مطــــــاويهـــــــا
وآخر كلامي بحرف السين و اللامي
و الميم و العين تتلاها قوافيهـــــــــا
جايبه لكم ياحلوين قصائد لشاعر الكبير الامير خالد الفيصل
والحين اخليكم مع القصائد
=============================================
بنات الريح ..
من بنات الريح لي صفرا جفول
كنها ظبي الفلا بجفالها
منوة الخيال عساف الخيول
زينها في دقها وجلالها
زينها ما شفت وصفه بالمثول
الله اللي بالجمال اصخى لها
تستذير كحيلتى من كل زول
ما يصخرها سوى خيالها
اذكر الله كل ما قامت تجول
و احمد الله خصنى بحبالها
كنها تمشي على قرع الطبول
فتنى اللي خافقه يبرى لها
ظافي القصه على الطرف الخجول
تنكسر شمس العصر بظلالها
وصفها وصف السحاب اللي يحول
كل عين تستخيل خيالها
او كما طاري على الخاطر عجول
صاحبه حقيقته ما طالها
كل رجل في حياته له ميول
والهوايه تمتلك رجالها
==================================================
جرح القصيده..
قصيدتي منك مجروحه
اخلفتني واختلف شعري
يا ونتي منك مبحوحه
لو ما طلع صوته عذري
ذي رايتي منك مطروحه
طرحتها وانت ما تدري
شف دمعة الشوق مسفوحة
والوجد في ملحها يسري
مواجع القلب مفتوحه
داريتها واحترق صدري
حمامه الوصل مذبوحه
يا خوفتي قبرها قبري
================================================== ===
حدر القمر ..
حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن
================================================== ======
طال السفر ..
طال السفر
والمنتظر مل صبره
والشوق با محبوب في ناظري شاب
رد النظر
خليت بالكف جمره
سعيرها في داخل القلب شباب
عز الخبر
والمهتوي ضاق صدره
يا من يرد العلم عن هاك الأحباب
طيفه عبر
ما أرسل مع الطيف عذره
هو خاطره من لوعتي ما بعد طاب
هو ما ذكر
أن الجفا فيه كسره
للخافق اللي من هوى صاحبه ذاب
يا ما سهر
طرفي على حبس عبره
اردها والوجد للدمع جذاب
دمعٍ حدر
جاله على المنع جسره
عظيم وجدي للدمع شرع الباب
يوم وشهر
عزاه والعمر مره
والناس واجد لكن الولف غلاب
=================================================
سمرت ..
سمرت بصحبة حروف القوافي
احملها تناهيت خوافي
اشكل بالحروف الوان صوره
احركها من المعنى بصافي
اشيل الحرف من معنى لمعنى
واجاري ما زهر واظهر بخافي
والى منى عطيت الحرف ونه
بها حرفي على النجمات طافي
يقوم كل نجم من منامه
أنا ما نيب اسامر نجم غافي
يجيني كل نجم منه معنى
ولا قد قلت للنجمات كافي
تصور لي دموع وابتسامه
من عيون تقصوت ما تشاف
ألا يا نجم يا عالي تبصر
شف بعين المحبه عين وافي
وخبرني عن علومه وحاله
عسى قلبه مع الأشواق دافي
ولو ممشاي في جمر يفيده
مشيت بجمرها كنه عوافي
ولكن وش يفيده لو ذبحني
ومن يوصف جماله عقب قافي
منقوووول
دااااااااايم السيف واجمل اشعاره
موضوع: اجمل اشعار خالد الفيصل 
الثلاثاء يناير 25, 2011 7:47 pm
