دايم تسلب الأغلى..!!

هاذي أسرار دنيتنا..
وهذا..حالها معنا
دااايم تسلب الأغلى..
أحس الكون بعيوني..ظلام في ظلام..
لامخرج..ولامهرب..
أعيش الهم ..لحظه ..بلحظه..
ولامهرب..!!
أنا ماأنكر..
عطتني كثير هاالدنيا..
كثير ..كثير..
ولكن لما ودها تاخذ..؟
دايم تاخذ الأغلى..
عطتني كثير هاالدنيا
وهي الحين تحاول تاخذ الأغلى.
آه
..طيب ليه؟!!
أنا ودي تاخذني
وتشقيني..
تعذبني..
وتتعبني..
ولكن تترك اللي أحب بس يحيا..!!
ياقلبي:
صديقة عمري محتاجه
ولو ذرة أمل تلقى..
شفت الحزن.. ساكنها
شفت اليأس..تكون في مدامعها
شفت الموت..يلف ويدور..ولاأدري كيف أساعدها
حاولت أخليها تتبسم
وأخليها بس تعرف ..إنه ربنا معها..
ومادام الطير باقي يطير
ومادام الطفل الصغير يكبر
أكيد الدنيا لسه بخير..
حاولت أخلي كلماتي..تهديها..تشجعها..
وأنا اللي حيل محتاره..ومنهاره
وأفكر دووم بآخرتها..
أشوفها قدامي تتبسم
وبعد لحظات..يجيني الهم برسايلها
كان تقول:
ياأغلى الناس..
أمانه لي طلب عندك..!!
إذا خانتنا الدنيا
إذا فجأه صحيتي ومالقيتيني..
وخذاني الموت..
وطلعت روحي
وطفت عيني..
أمانه لي طلب عندك..
كوني حريصه على نفسك
ولاتنسيني..
ولاتنسيني بدعواتك
ولاتنسي ليالينا..
ياأغلى الناس..كل مااحتجتني جنبك
خذي أوراقي وإقريها
لا..بالله إرميها
ولاتبكي..!!
ولاتعزي أهلي بموتي
أنا أدري إن الدار بتصير أقسى
لأنها تخبي الذكرى..
وأخاف عليك..
أخاف تتذكري كل شي
وأنا ماأرضى الألم يسكنك
أنا ماأرضى..!!

آه تخيل بس ياقلبي..
لو الدنيا خذت منك ..
صديق العمر..رفيق الروح..
اللي عشان إنت تبقى سعيد دوم يشقى..
أنا أدري مابيدي شي..غير أرضى بواقعنا
وأدري إنه مهما صار
لابأغير..ولابأفيد..
ولكن عالأقل..أوقف
وفي أصعب ظرف أكون معها..
أدري مابيدي شي..
بس يمكن وقفتي هاذي
تخفف عني وعنها..






بقلمي..شقاوي

هذه اسرار دنيانا وهذا حالها معنا

دايم تسلب الاغلي

كلامات اقف امامها في حيره من امري


ولا ادري ما اقول عنها معبره ورائعه وسلسه

وجمليه انت دائما متالقه بطرحك يامرهفه المشاعر

شكرا لك على هذا النص يالاخت شقاوي وفالك التوفيق


تحياتي

أشكرك عاالرد الجميل
وأشكرك على مرورك يسعدني تواجدك اخوي لاعدمناك

يعطيك ربي الف عافيه على المجهود

اعجبني ما خطت اناملك

كل الشكر والامتنان لقلبك الطاهر

ننتظر جديدك بشوق

دمتي بحفظ الله

الله يعافيك أخوي المشتاق أشكر مرورك ..لاتحرمنا طلتك..