طرف جفن عيني
طرف جفن عيني لمكحولــــة العين***********
***********عيني قضت فيني من الشوق ما كان
خيط الولع خلاني اتبعك يا زيــــــن***********
***********وخيط جذب في خاطري حر وجـدان
راح الفكر ينظم من الشعر بيتـــــين***********
***********شاقه بنظم الشعر مرسوم الأعيـــــان
شفت الحلا فيها يوصف بوصـــــفين***********
***********وصف الحسن ووصف يبين لها شان
ياظالمة غضي من الطرف تكفــــين***********
***********لا تودعين النفس لبيض الأكفـــــــان
ويا ماخذه بلا عطاء للبعد ويــــــــن***********
***********توني معك شفق ما ذقت سلـــــــوان
الله وأكبر ليت لي معك وقتــــــــين***********
***********وقت تعيش بك النفس حلو الأزمــان
وقت نهاره ليل والعين بالعــــــــين***********
***********اسهر ونومي ما يعارض لي أجفــان
أسهر بليلي والقمر وجهك الزيــــن***********
***********منور حلا ويكسف حياء غادي الوان
فيني من الوجدان والشوق حملـــين***********
***********عسى خفوقي يشمله منك الإحســـان
لبيه
الروح في شوفك عـليك اليـوم ولـهـانــه***************
***************والقلب يفرح فيك إلى من شافتك عـينـي
القـلـب لعيـون الغـلا وعـيــون خـلاّنـــه***************
***************بأنسى الزعـل كلـه ولو بعـدك معنّينـــي
انت الوله والشوق وانت الحـب سلـطانه***************
***************يا بسمـة أيامي هـلا يا ضحـكـــة سنيني
من قال يا عمـري عليك النفس زعـلانـه***************
***************إجـرح وعـذبنـي مادام الجـرح يرضيني
لبيـــه يا قـلـبٍ ملـكـته وانت وجــدانـــه***************
***************لبيــــه يا منهو عـن همـومي ينسينــــي
يا عمـري الـباقي ويا حـلمـه وعـنـوانـه***************
***************بيـديك تـجرحـني ومن لمسـتك تشفينـي
تحياتي
موضوع: طرف جفن عيني--لبيه-- 
الخميس ديسمبر 22, 2011 11:38 pm