ضياء البروق
إدارة المنتدى
الأوسمة والأنواط
 وسام التميز: 1
 |  موضوع: تجملي يا ام الحلا والظفاير  الخميس فبراير 23, 2012 5:34 pm | |
|  ..
يا غايبه و إن كان في جماله
تجملي يا أم الحلا و الظفاير
بالله شوفي صاحبك كيف حاله
شوفيه في غيبتك وشلون صاير
صارت حياته ضيق خلق و بطاله
هم و سهر و أوراق شعر و زقاير
يعني حبيبك صارت حالته حاله
ما بقى إلا إنه يدن العباير
الله لامنه ذكر ما مضاله
قبل الدواير ما تجر الدواير
يوم الطفولة و الشقا و الجهاله
يوم الصغاير في عيونه كباير
أيام كان معانده راس ماله
ويسوق لهبال الشقاوه بشاير
ياما أمتلى بالحب و الطيش باله
وياما أمتلت من شخابيطه العواير
يكتب عليها عاشقك لثمآله
و يخط توقيعه ( جريح الضماير )
ياما أشتكاه أبوك في بيت خاله
وياما تحصل من هواك العزاير
مره حلف أنه يبطل هباله
و قبل يكمل فك أخوه الستاير
ثم طالع الشباك قباله
وفي أقل من لمح البصر جاك طاير
على صغر سنه مميل عقاله
كاشخ و ناسي لا يصك الزراير
لا شافك يتمتم لحاله بلحاله
لعيون هالشوفه تهون الخساير
و لا شاف زول أبوك حذف نعاله
الحب جاير لكن العود جاير
كنتي طموحه كنتي أغلى حلاله
كنتي و صرتي بس يا أم الضفاير
طفل زرع من ضحكتك خياله
لين أثمرت شعر هزاله حراير
لا تتركينه في غيابك لحاله
بالله شوفي هالطفل كيف صاير
و وحده بوحده كان عندك عداله
تبطلي غيبه و أبطل زقاير
..  منقول والصور مضافة | |
|
