احلى ذنوب العاشق اللي مأرتكبها

قالت إفرض طيب إن الشمس نامت مـن تعبهـا

مــن تـظـن يـفـك أزاريــر الـمـسـا ويـصــب نـــور

قـلـت أبــد لا تشغلـيـن عيـونـك إلا فــي هـدبـهـا

واعصـري ظلـك تسيـل شمـوس وتجـف الـبـدور

ياحياتي والمشاعر هي " الم... شاعر" كتبهـا

والغلا هو " الغ...لا " وأعذر حبيبك لو يجور

ولو رصعت الشمس روبي وأكتسا اللولـو لهبهـا

أختـفـت مــع لـمـعـة ظـلالــك بقـيـعـان الـبـحـور

وغرتـك لا هفهـفـت حـتـى الـهـوى لا ماقضبـهـا

ودايــم تـفـرّك يـديـن الـلـي يصـافـحـك الـعـطـور

وماسبقـك أحـد ٍ تجلـل بالسحايـب واعتصبهـا

ولاعـرق حــي ٍ دهــن ورد وزفــر غـيـرك بـخـور

آه يــا أحـلـى ذنــوب العـاشـق الـلـي مأرتكـبـهـا

الغرور يصيـب غيـرك وانـت مـن صـاب الغـرور

شفـت دورة هالكواكـب حـول شمـس ٍ تجتذبهـا

كـنـهـا قـلــوب الأوادم حـولــك تــحــور وتــــدور

نفـسـي ادري مــن سبقـنـي للمواعـيـد وشـربـهـا

او مـن اللـي بـس عبـا دمـي إحـسـاس وشـعـور

ياحبيبـي قـد سمعـت بنـار قــد حـنـت حطبـهـا

أو بـمـن يشـهـد عـلـى نفـسـه لخصـمـه يـــوم زور

طالبـك لاتنـشـد دمـوعـي حبيـبـي عــن سببـهـا

واعـذر القلـب الحـزيـن وانــت بالحـيـل مـعـذور

قالت افرض طيب ان الشمس قلـت يـوم ادبهـا

قلـت انزلهـا بقذلـة صبحهـا وأكتبـك نـوووووور

***

» قصة العاشق والضريرة
» الخاتمة السيئة من ذنوب الخلوات
» هذا اللي حسيته..
» احلى الصدف
» اللي ابغاه هذا... حـــرام؟؟