ضياء البروق
إدارة المنتدى
الأوسمة والأنواط
 وسام التميز: 1
 |  موضوع: اطيب اكله شامية حرأ بأصبعو  الإثنين أبريل 16, 2012 3:54 am | |
|
صباحكم منور بالصلاة على رسول الله عليه أفضل الصلاة والتسليم وعلى آله وصحبه وسلم
كيفكم يارب تكونو بخير
من فترة عملنا أنا وماما وأختي حراق اصبعو الله يخليلي ياهم يارب وقلت لازم نزلها وخبركم عنها وخاصة هي اكلة مشهورة عنا بالشام وطيبة كتيررر
وان شاء الله تعجبكم
المقادير
* عدس نص كيلو * 5 بصلات مقطعة جوانج * 2 راس ثوم مدقوقين * تمر هندي منقوع ومصفى * خبز ابيض شامي رغيفين * عجينة خبز ابيض شامي * زيت زيتون * زيت نباتي * كزبرة باقتين مغسولين ومقطعين ناعم * ملح *
هلاء لازم جهز كل شيء بعدين بطبق الاكلة
بجيب التمر هندي وبغليه ويصفيه لحتى زبط حمض الاكلة فيه هلاء ممكن تستغني عن التمر هندي وتستخدمي دبس الرمان او الليمون
بس اصولها بالتمر هندي بيطلع اطيب
بدق الثوم وبقليه بكمية صغيرة من زيت الزيتون وبعدين بضيف الكزبرة وبشيلهم على جنب
بعدين بجهز العجينة برقها منيحة و برش عليها طحين وبلفها بهاد الشكل وبعدين بقطعها حلقات
هلاء بعد ما بقطعها كلها كل حلقة برجع بقطعها قطع صغيرة لحتى تطلع عندي بالشكل الاخير
بقلي الخبز والبصل وجزء صغير من العجين بالزيت النباتي
بسلق العدس لحتى يستوي منيح بكمية مي منيحة وبعد ما يستوي بضيف عليه جزء صغير من البصل المقلي والخبز والتوم والكزبرة
وبعدين بضيف التمر الهندي المصفى منيح وبدوق حمضو وطبعا ما بنسى الملح
بزبط الحمض والملح
بعد ما زبطت حمضو وملحو بضيف العجين يلي عملتو وبحرك شوي وبضيف زيت الزيتون تقريبا كاسة صغيرة
طبعا لحتى ما يلزق العجين ببعضو
وقت بيهبط العجين لسفل الطنجرة بعرف انو ستوى العجين وهيك بتكون تقريبا الاكلة جهزت عندي
هلاء بسكب الحراق اصبعو بجاط وبزينو اول شيء بالخبز المقلي وبعدين بالتوم والكزبرة يلي قليتلهم بزيت الزيتون
بعدين بضيف البصل المقلي جوانج على الوش والعجين يلي قليتو وهاد شكلها
وهاد شكلها النهائي يارب تعجبكم هي بتاكل شغل كتيرررر
بس بعد ما تدوقي طعمها بتنسي تعب شغلها
لا تنسونا من دعواتكم يا فتوكات
والتقييم والردود اذا عجبتكم الاكلة
منقول
| |
|
عطر الندى
عضو
الأوسمة والأنواط
وسام التميز: 1
| | موضوع: رد: اطيب اكله شامية حرأ بأصبعو الإثنين أبريل 16, 2012 4:11 am | |
| عوااااااااااااااااااااااااااااافي
يعطيك العافيه ضياءنا على هيك طبخه
لا عدمنا اكلاتك
تحيااتي لك ضيااء البروق | |
|
ضياء البروق
إدارة المنتدى
الأوسمة والأنواط
وسام التميز: 1
| | موضوع: رد: اطيب اكله شامية حرأ بأصبعو الإثنين أبريل 16, 2012 4:33 pm | |
| عوااااااااااااااااافي
يعطيك العافية على هيك رد
لا عدمناك في منتدانا
تحياتي لك
م. عطـــــ الندى ـــــر
| |
|
