مرة واحد شاف نملة بتعيط مسكها علي ايدة
وقلها بتعيطي له قالت له علتي كلهم ماتو مفضلش غيري فضرب كف علي كف
وقال لا حول ولا قوة إلا بالله
مره ثعبان قابل ثعبان لقاه بيعيط
قالوا انت بتعيط ليه رد اصلي انا نظري ضعيف
قالو بسيطه ركب عدسات
وبعد يومين وهو معدي لقاه بيعيط تاني
قالو انت بتعيط ليه تاني،
رد اصلي اكتشفت ان الي بحبها من عشرين سنه
طلعت خرطوم
طلع مجموعة صيادين يصطادو
وكل ما يصطادو حاجه كلابهم
تجري تجيب الفريسه
ما عدا كلب واحد بيخاف من صوت الرصاص
فقالو لصاحبوه خده الافراح
الي بيحصل فيها ضرب نار كتير
عشان يتعود على الرصاص
وبعد ما اخده لمدة 6 شهور
رجع يصطاد تاني أول
ما ضرب نار الكلب
قعد يزغرط
مرة واحد ركب دش فوق السطح
فعلشان ماحدش يقرب منه من السكان
بنى حواليه كوخ وقفله
وقال للسكان انا حاط أسد في الكوخ ده
فمحدش يقرب منه أحسنله ،
السكان فضلوا خايفين يطلعوا السطح
لحد مايوم الشجيع بتاعهم
طلع وراح فاتح الكوخ
راح نازل جري وشه أصفر السكان
قالولوه ايه شوفته ،
قالهم لأ أنا
شوفت الطبق الي بياكل فيه بس
مره كان فى فار قاعد فى خمارة وبيسكر
وهو بيشرب اول شفطه ويبص على الحيوانات
ولما يجى عند الاسد يبص له من فوق لتحت
ويقول حد هيطلع عينه انهارده
وفضل كده لمدة يومين
فى ثالث يوم الاسد
قال الواد ده بيبوص لى كدا ليه
فقام شده من ديله
فقال الفار انا مش قلت حد هيطلع عينه انهارده
مرة اتنين أغبية كانوا ماشين في الصحراء
طلع عليهم اسد راح واحد رمى عليه طوبه
وقعد يجرى وبص وراه لقى زميله واقف ما بيجريش
قاله ما بتجريش ليه ؟
قاله واجرى ليه هو انا الى ضربته
كان في مرة واحد صاحب مزرعة جزر
وجانبه واحد صاحب مزرعة ارانب
كان كل يوم يجي يلاقى الارانب اكلت الجزر كله
وهكذا كل يوم لحد مل زهق
قرر انه يروح مزرعة الارانب
وجاب شاكوش وكسرلهم كل اسنانهم
جه تانى يوم الصبح برده لقى الجزر بتاعه حد اكله راح عند الارانب ومسك واحد منهم
وقاله انتوا واديتوه الجزر فين قالوه :عملناه عصير وشربناه
النمر كان كل ما يشوف الأرنب يضربه
و يقول له انت ودانك طويلة كده ليه
فالأرنب راح اشتكى للأسد فالأسد طلب النمر
و قاله لما تعوز تضربه قول له هاتلي جزر
لو جابلك جزر اصفر قوله هات جزر أحمر
و لو جاب جزر احمر قوله هات أصفر ،
النمر قال للأرنب عاوز جزر الأرنب سأله أحمر ولا أصفر
قام النمر ضربه و قال له انت ودانك طويله كده ليه
واحد سكران قاعد بيشرب خمرة وعنده بغبغان كل شويه البغبغان يقوله هات كاس يقوله اقعد ساكت
هنتفلك ريشك
الببغاء يقوله هات كاس يقوله اقعد ساكت هنتفلك ريشك
جرس الباب رن قام يفتح
فالبغبغان مسك الازازه شربها
فلما المسطول رجع قاله ايه ده ؟
قام البغبغان قاله شربت الازازه
وادى الريش الى انت قارفنى بيه أهو
خروف بيسأل خروف "مر عيدين ومذبوحكش ليه؟"
قال اصل انا متسجل في شهاده الميلاد حمار
فار كل مايدخل الكازينو عشان يتسطل
الفران الكبيرة تضربة وتخرجه برة،
راح للاسد يشكى له، الاسد قال له "انا هاخدمك بس ماتنسانيش معاك، انت تكتفنى بالحبل
وتسحبنى للكازينو هيخافو منك"،
وصل الفار الكل رحب بيه "اتفضل يامعلم فار ياكبير الحتة" وقعد يشرب لحد ما اتسطل،
الاسد قاله "ايه يافار ادينى شوية"
الفار راح ضربه برجلة
وقاله "المعلم فار ياد"
مسطول ماشى فى الشارع
قام شافته قطه شافها جايه نحيته
وهى جايه ضربتها عربيه
وهو بيهرب خبط فى الرصيف
ف اغمى عليه لما فاق شاف القطه ميته
قال انا لازم ابطل سطل
علشان ما افتريش على حد تانى
فار وخطيبته ماشين,شاف الفيل فحب يعمل منظر اودامها,فقعد ينده على الفيل ويقولو "خد يا فيل انت أيوة انت يا عجل" واقعد يهزء فيه تاني يوم راح للفيل وقالو "معلش سامحني انا كنت بعمل منظر قدام خطيبتي وهطلع أبوس دماغك" وهو فوق دماغه لقي خطبيبته معدية قالوا يعني أكسرلك دماغك دلوقتي"
مره صرصار طلع من الخلاط قال يخرب بيت إلى يدخل الملاهى تانى
منقول
موضوع: نكت حيوانات باللهجة المصرية 
الأربعاء أكتوبر 10, 2012 2:21 am