العيون وساع حورية بابلية للشاعر محمد المري والله اعلم

ياعلي حاولت لكن ماحصل لي ***** مع هنوف شفتها بالصيدلية


الله اكبر رمشها كنة يصلي ***** والعيون اوساع حور بابلية


والخدود ورود في بستان فلي ***** ومبسمة سبحان خلاق البرية


والصدر والعنق يابن الناس واللي ***** ماحسبتة من وصوف الادمية


والخصر ياصاحبي بالحيل مملي ***** والمزايا كل ابوها يعربية


ياعذابي وش بقول وش باخلي ***** تخلف عقول الرجال اهل الحمية


قلت لة يافاتني وقف وقلي ***** اسالك بالله لاتقسى علية


شفتك وقفت ثابت في محلي ***** وانت ماعبرتني ويش القضية


قالت ابعد لو سمحت ولاتزلي ***** احترم نفسك عساها للمنية


قلت يابنت العرب والله مبلي ***** لاتلوميني وانا نفسي شقية


قالت وبعدين حدك لاتضلي ***** اناماعندي سوالف عاطفية


قلت يابنت الحلال اصل التغلي ***** والدلع والكبرياء والعنجهية


فيك موجودة وغيرك مايحلي ***** في فؤادي يالهنوف الغشمرية


قالت برحمة ابوك انك تولي ***** لاتحاول في ترى ماني غبية


عارفتكم يالشباب اهل التسلي ***** وانت منهم بالعلوم السرمدية


قلت غلطانة وعرفك مكسب لي ***** ولجل عينك كلمملك لك هدية


ارحمي من جاك لعيونك يهلي ***** لاتزيدي كيتة بالفين كية


يابعد عمري ولو غيرك عرضلي ***** قمت اغني لة لحون سامرية


قالت اهلا والمعلي مايولي ***** مرحبامليون مني لك تحية


زبدة الموضوع حبك منوة لي ***** مثل قيس بحب ليلى العامرية


قالت وهي تبتسم كم بنت قبلي ***** يامحمد والسؤال بحن نية


قلت اجاوبه ولكن ماطلع لي ***** قلت وينك كم حروف الابجدية


قالت اسمع لاتهرب واستمع لي ***** كان ماعندك نوايا شقلبية


قلت لاوالله طبعي ماسمح لي ***** في حياتي بالعلوم الدنفسية


قالت اتمنى يكون العلم جزلي ***** والسموحة كان جاء مني خطية


قلت لاباللة مسموحة وانا اللي ***** اعتذر مما حصل يالجودية


انتي انتي مايجيك العلم هزلي ***** مايجيك الاسواليف طرية


عاشقك لوشاف ميلك قال عدلي ***** مخلص بالحب ياحيك وحية


قالت انا عارفة لاشك منلي ***** غيرك اهدي لة ورود نرجسية


قلت ياسحر الكلام اشلون املي ***** من سواليف تزيد الروح فية


خص لامنها ضحكت ثم سلهمتلي ***** بالعيون وحطت ايديها بيدية


ثم تبادنلنا العهود انا وخلي ***** عن منقلت الكلام اهل الوشية


يابعد روحي وعمري جيت كلي ***** العفو يابنت عند المقدرية

اضافة الصورة من عندي فقط

تحياتي
منقووووووووول

ابيات راائعه للشاعر محمد المري

يعطيك العافيه على هالنقل ياخووي

لا حرمنا تميزك

تحيااتي لك