لا تحسب الوقت اللي فاتك

وش فيه بالك بعيد وجالس تفكر

بدري على الحزن توك في بدياتك

لاتحسب الوقت الـي فاتك وتتذكر

عمر الندم مايرد الوقت الــي فاتك

لاتترك الدمع فــوق الخد يتحدر

حاسب ترا كل عمــري فوق وجـناتك

يانـور عيني مادام العيــن بك تنظر

حـــرام تبــخل على خـــلك بنظراتك

ماشفت كيف القمر عقب الظلام انـور

بالظبط نفس الشعور ان شفت بسماتك

وان كان في خاطرك حاجه علي ابشر

والله لاســوق العمـــر كله لمرضاتك

ماتدري انــك اذا تكدرت انــــا اتــكدر

وافـرح لجل فرجتك واشره لشـرهاتك

عودتني على السهر وامسيت ماتسهـر

ماغير طيفـــك يعوضني بسـهـراتك

احـلى سنين العـــمر بلقياك تتـعطر

يادنيتي وابـــرك السااعات ســاعاتك

يمر طيفك واضمك وارجــع استغفــر

وارد اشوفــــك واقـــول الله محــلاتك

» قيمت الوقت
» الوقت المناسب لشرب الماء
» هذا اللي حسيته..
» احلى ذنوب العاشق اللي مأرتكبها
» اللي ابغاه هذا... حـــرام؟؟